Алтай ауданының ауруханасы жөнделіп жатыр. Аталмыш медициналық мекеме 30 жыл бойы жөндеу көрмеген, деп хабарлайды Алтайньюс тілшісі.

Алтай әкімі Қалихан Байғонысов аудандық емханаға бас сұғып, жөндеу жұмыстарының барысымен танысты.

– Жөндеу жұмыстары жүріп жатыр. Емхана жұмысы да бір сәт кідірген жоқ. Дәрігерлер науқастарды қабылдауды тоқтатпайды. Жөндеу жұмысының сапасына және межелі мерзімде аяқталуына көңіл бөлу керек. Мердігерлерге осыны баса айттым, – дейді аудан әкімі Қалихан Байғонысов.

Айта кетейік, биыл Алтайдағы денсаулық сақтау мекемелерін жөндеуге «Парыз» қорынан қаржы бөлінді.