Қазіргі таңда шығысқазақстандық дәрігерлер COVID-19 инфекциясынан сауығып шыққан азаматтарға иммундық плазма доноры болуға ұсыныс тастады, деп хабарлайды Алтайньюс тілшісі.

Дәрігерлердің айтуынша, емделіп шыққан адамдардың қан плазмасын ауыр жағдайдағы науқастарға құйса, иммунитеттері нығайып, асқынған аурудан айығатын көрінеді. 

Өскемен қаласындағы Облыстық Қан орталығында қаннан антидене плазмасын алу үшін тәжірибелі мамандар жұмылдырылған. Бұл тәжірибе әлемде тұңғыш рет жүргізіліп жатқандықтан, облыстағы медицина қызмет-керлеріне жоғары жауапкершілік жүктеліп отыр.

Қан орталығында өз плазмаңызды тапсырғаннан кейін сіз кем дегенде екі ауыр науқасқа бірден көмектесесіз. Сіздің денсаулығыңызға зиян келтірілмейді, плазманы беру қарапайым және қауіпсіз процесс.

Егер сіз иммундық плазма доноры болғыңыз келсе – қан орталығына келіңіз. Бұған дейін сіз емделіп шыққаннан кейін 2 немесе 3 апта ішінде үйде қалпыңызға келуіңіз қажет.

Тапсырылған плазма үшін ақшалай сыйақы 7 АЕК (19446 теңге) құрайды.

Донор болуға және мұқтаж науқастарға көмектесуге ниетіңізді білдірсеңіз, Шығыс Қазақстан облыстық қан орталығына 8(7232) 70-38-38; 87057520964 нөмірлері бойынша телефон арқылы хабарласуыңыз қажет