«Nur Otan» партиясының ШҚОФ төрағасының бірінші орынбасары Олег Чугунков праймериз туралы қорытынды мәліметтерді ұсынды, деп хабарлайды Алтайньюс тілшісі.

Аймақ көлемінде праймеризге 18 көпбалалы ана, 14 қандас азамат және 8 мүмкіндігі шектеулі азамат қатысқан. Үміткерлердің төрттен бірі жастар болғанын айта кету керек. Сондықтан болар, жалпы қатысушылардың 24 пайызы әлеуметтік желілерде ерекше белсенділік танытты. Олег Чугунковтың айтуынша,  праймериз қатысушыларының 64,5 пайызы – кейінгі бес жылда партия құрамында кіргендер.

– Қатысушылар 523 онлайн кездесу өткізді, дебаттарға қатысты. Енді оларды маслихат деңгейіндегі сайлау күтіп тұр. Конституциялық заңға сәйкес, осы жылдың қараша-желтоқсан айларында партиялық тізімдер бойынша сайлау өтеді. Сайлауға праймеризден сәтті өткен үміткерлер қатысады. Осылайша білікті де білгір мамандар таңдалады, – дейді Олег Чугунков.