Облысытың аумағында 2017 жылдың ішінде ұялы байланыс құралын жоғалту туралы 2899 факт тіркелген. Оның ішінде 1672 қылмыстық іс қозғаумен аяқталып, 52,5 пайыз қылмыстың беті ашылды. Бұл көрсеткіш 2016 жылға қарағанда  3,8% жоғары.

-Қазақстан бойынша қазір барлық ұялы телефондардың желісі арқылы база ашып жатырмыз. Алдағы уақытта сол база арқылы іздейтін боламыз. Телефон қосылған кезде бірден бізге хабарланады,- дейді  ШҚО ІІД Қылмыстық басқармасы бастығының орынбасары, полиция  подполковнигі Измаилов Игорь Альбертович.

Айта кетейік, жәбірленушілерден ұрланған ұялы байланыс құралдарын блоктауға 415 өтініш келіп түсті, оның 401-і ұялы байланыс компаниясына жіберілді.