Семейде қаланың балалар үйлері мен интернаттарының тәрбиеленушілері үшін «Караоке-керемет» байқауы» акциясы өтті.
Оны ұйымдастырушылар «Аңсар» қайырымдылық қоры мен қалалық ішкі саясат бөлімі.
-Акцияның мақсаты балалардың шығармашылық дарынын ашу, балалар мекемелері өкілдері арасында рухани, мәдени және достық қатынастарды нығайту, музыка мен ән өнеріне баулу, патриоттық, халықтық әндерді насихаттау, - дейді байқаудың ұйымдастырушысы Дидар Рамазанова.
Байқау барысында қатысушылар патриоттық, халықтық әндерді орындап, өз өнерлерін ортаға салды. Кеш соңында қатысушылар сыйлықтар мен дипломдармен марапатталып, сый-сияпатқа ие болды.
Мәлімет көзі: Семей қаласы ішкі саясат бөлімінің ақпараттық секторы
