Бос жатқан және заңсыз берілген жер учаскелері мемлекетке қайтарылады
Жыл басынан бері Қазақстанда 891 мың гектар пайдаланылмаған жер мемлекет меншігіне қайтарылды.
Биылғы жылы 891,7 мың гектар тоқтап тұрған ауылшаруашылық алқаптары қайтарылды, деп хабарлайды Altaynews тілшісі.
Ауыл шаруашылығы министрлігінің баспасөз қызметі айтқандай, әкімдіктерге қатысты 65 тексеру жүргізіліп, ауылшаруашылық мақсатындағы жер учаскелерін беру туралы 117 заңсыз шешім анықталған. Жергілікті атқарушы органдардың атына жер заңнамасын бұзушылықтарды жою туралы 54 ұйғарым берілді.
Ауыл шаруашылығы министрлігі атап өткендей, пайдаланылмаған және заңсыз берілген ауыл шаруашылығы жерлерін қайтару жөніндегі жұмыс комиссиясының қызметі жалғасуда.
«Осы жылдың басынан бастап, Ауыл шаруашылығы министрлігі Жер ресурстарын басқару комитетінің республика бойынша аумақтық бөлімшелері жер пайдаланушыларға қатысты 486 мың га алаңда 381 жоспардан тыс тексеруді тіркеді. Олардың нәтижелері бойынша 304,7 мың га алаңда 152 ұйғарым енгізілді. Жалпы алғанда, екі жыл ішінде қайтарылуға жататын 10 млн гектардың 6,3 млн гектары мемлекеттік меншікке өтті», – делінген Ауыл шаруашылығы министрлігінің баспасөз қызметі таратқан ақпаратта.
Оқи отырыңыз
