Шығыс Қазақстан облысы Полиция департаменті Көші-қон қызметі басқармасының қызметкерлері алимент төлемей, қашып жүрген адамдардың орналасқан жерін анықтап жатыр.

Жыл басынан бері көші-қон қызметінің қызметкерлері сот орындаушылардан алимент бойынша борышын өтемеген 200-ден астам азаматты анықтады.

- Ағымдағы жылдың тамыз айының басында Семей қ.ПБ Көші-қон қызметі бөліміне 1982 жылы туған, кәмелетке толмаған баласын асырау үшін ¼ алимент төлемеген азаматқа іздеу жариялау туралы сот ұйғарымы келіп түсті. Бұл азамат қысқа мерзім ішінде Семей қаласында тұратыны анықталды. Қаражатты өндіріп алу үшін материал жеке сот орындаушыларының өңірлік палатасына жолданды,- деді ШҚО ПД Көші-қог қызметі басқармасының бастығы Ербол Бекпаев. 

ШҚО ПД Көші-қон қызметі атқару құжатын орындамағаны үшін ҚР ӘҚБтК-нің 669-бабы бойынша әкімшілік жауапкершілік және ҚР ҚК-нің 139-бабы бойынша қылмыстық жауапкершілік көзделгенін ескертеді.