Марқакөл көлінің жағасындағы шағын ауыл Шығыс Қазақстан облысының әкімі Даниал Ахметовке үлкен әсер қалдырған.

– Ұрынхай ауылы - бұл біздің ұлтаралық қарым-қатынасымыздың прототипі. Өйткені мұнда орыстар, қазақтар мен басқа да ұлттар бір отбасы сияқты өмір сүреді. Мен сол жерде болдым және халықпен сөйлестім, Бұл ауыл менің жүрегімде жылы із қалдырды, - деп бөлісті ШҚО әкімі Даниал Ахметов ОКҚ брифингінде.

Даниал Ахметовтің айтуынша, биыл мұнда 100 орындық мектептің құрылысы аяқталады. Осы бағыттағы туризмді дамытуға байланысты үлкен жұмыс аясында жолдар мәселесі шешімін табатынын айтқан ол, бұл ауыл тұрғындары үшін өте қуанышты мәселе екенін атап өтті