Өскеменнің үздік жастары марапатталды
Өскемен қаласы әкімінің жыл сайын өтетін «Алау-2022» жүлдесі аясында қаланың үздік жастары марапатталды.
Жастар саясатын іске асыруға қосқан үлесі үшін ұйымдастырылған сыйлық үздік деп танылған жастарға 7 номинация бойынша табысталды, деп хабарлайды Altaynews тілшісі.
- Біздің Өскеменнің жастары менің ойымша қазақстандағы ең талантты, ең қабілетті жастар. Оның дәлелін жастар спорттан, мәдениеттен, өнерден, білім мен ғылымнан болсын көрсетіп келеді. Алдағы уақытта жастармен етене жұмыс істесек, біз бағындырмайтын белес болмайды. Жас буынның күш жігері ел болашағы үшін өте маңызды. Өз тарапымыздан талапты жастарға қолдау көрсету біздің міндет, -деді Өскемен қаласының әкімі Жақсылық Омар.
4-ші мәрте өтіп жатқан «Алау-2022» сайысыныда жылдың «Үздік жас ұстазы» номинациясын Оралхан Бөкей атындағы №44 лицейінің оқытушысы Ақерке Тоқтарбеккызы иеленді.
- Үздік жас ұстаз сыйлығын алғаныма қуанып тұрмын. Байқау әділ өтті. қаланың жас ұстаздарын келер жылғы жарыста бақтарын сынап көруге шақырамын, -деді Ақерке Тоқтарбекқызы.
Айта кетелік, жыл сайын дәстүрлі түрде өткізіліп келе жатқан «Алау» жастар сыйлығына биыл 76 өтініш қабылданған. Шара барысында 7 номинациядан бөлек үздік мобилограф, үздік асаба, қаладағы үздік локация, үздік шаурма және жыл жаңалығы атты арнайы жүлделер де жүйріктерге табысталды.
