Шығыс Қазақстан облысының делегациясы Қытайдың Қарамай қаласында өткен IT технологияларды дамытуға арналған халықаралық семинарға қатысты. Бұл іс-шара Шанхай Ынтымақтастық ұйымы аясында өткізіліп, цифрлық технологиялар саласында тәжірибе алмасуға, білім беру мен туризмдегі инновацияларды талқылауға арналды. Делегация құрамында аймақтың білім беру саласының жетекшілері, колледж директорлары мен университет оқытушылары болды.

Делегация жетекшісі Сымбат Рамазанов семинардың цифрлық трансформация заманында ерекше маңызға ие екенін атап өтті. Ол бұл сапардың Шығыс Қазақстанның экономикасы мен білім беру саласын жаңғыртуға ықпал ететінін айтты:

Семинарға Қазақстан, Қытай, Ресей, Қырғызстан, Өзбекстан және Тәжікстаннан келген делегаттар қатысып, цифрлық экономиканың дамуы мен ақпараттық қауіпсіздік мәселелерін талқылады. Бұл шара Қазақстан мен Қытай арасындағы IT саласындағы ынтымақтастықты нығайтуға бағытталған маңызды қадамдардың бірі болды.

Делегация мүшелері Қытайдың Қарамай қаласындағы алдыңғы қатарлы IT парктер мен хабтарға барды. Әсіресе, Қарамай индустриалдық IT паркі делегаттардың назарын аударды. Бұл парк жасанды интеллект, бұлттық технологиялар және заттар интернеті сияқты салалардағы жетістіктерімен танымал. Делегация мүшесі Зарина Хасенова IT парктің цифрлық экономиканы дамытудағы рөлін ерекше атап өтті:

Сонымен қатар делегаттар әлемге танымал «Huawei» және «China Mobile» компанияларының деректер базаларымен танысты. Олар компаниялардың цифрлық технологиялар саласындағы жетістіктерін көріп, олардың Қазақстанда қолданылуы мүмкіндігіне көз жеткізді.

Цифрлық технологиялардың туризм саласындағы маңызы да айтарлықтай зор. Қытай мен Қазақстан арасындағы туристік байланыстар жыл санап күшейіп келеді, ал цифрландыру туризм қызметтерін жетілдіруге мүмкіндік береді. РСС групп компаниясының директоры Сымбат Рамазановтың айтуынша, цифрлық технологиялар арқылы туристердің қызмет көрсету процесін жеңілдету – өңірдің туристік әлеуетін дамытуға көмектеседі:

Қарамай сапары барысында Шығыс Қазақстанның колледж директорлары мен оқытушылары Қытайдың білім беру мекемелерімен өзара ынтымақтастық орнатуға ерекше назар аударды. Үлкен Нарын колледжінің директоры Айбек Байгунусов осы сапардың арқасында Қарамай колледжімен бірлесіп жұмыс істеу туралы меморандумға қол қойылатынын атап өтті:

Марқакөл ауылының мектеп-интернат колледжінің директоры Айнұр Нұрпеисова да осы сапардың Қазақстан мен Қытай арасындағы білім саласындағы әріптестікті нығайтатынына сенім білдірді. Оның айтуынша, Қытайдың алдыңғы қатарлы технологияларын игеру арқылы Қазақстандағы кадр даярлау сапасын арттыруға болады.

Шығыс Қазақстан делегациясының Қытайға жасаған сапары цифрлық технологиялар мен IT саласындағы халықаралық ынтымақтастықтың жаңа мүмкіндіктерін ашты. Бұл сапардан алынған тәжірибе Қазақстанның цифрлық экономикасын дамытуға, инновациялық жобаларды жүзеге асыруға және екі ел арасындағы стратегиялық серіктестікті нығайтуға үлкен үлес қосады.