Өскемен: Жол жөндеу жұмыстары күн жылынғанда басталады
Өскемендіктер «100 күнде 10 мың шұңқыр» челленджіне белсене қатысуда.
Челлендж басталған алғашқы аптада телеграм-ботқа 621 хабарлама келіп түскен, деп хабарлайды Altaynews тілшісі.
Естеріңізге сала кетейік, өткен аптада “Кептеліссіз қала” бағдарламасы аясында @oskemen_bot телеграм-арнасы іске қосылған болатын. Қала тұрғындары көшедегі шұңқырларды суретке түсіріп, осы аталған арнаға жібере алады.
– Қалада жол жөндеу жұмыстары күн жылынысымен басталады. Шұңқырларды жөндеу бойынша өтінімдерді бірден 6 мердігер орындайтын болады, – дейді "Таза Өскемен" КМК директоры Асхат Таженов.
Қазіргі күні қалада 35 шұңқыр жамалған.
Оқи отырыңыз
