Өскемен қаласында жоғары оқу орындарының студенттеріне арналған «Біз есірткісіз өмір үшін!» атты кездесу дәрісі өтті. Шара қала жастары арасында есірткіге қарсы алдын алу іс-шараларын өткізу бойынша бекітілген жоспардың негізінде ұйымдастырылды.

Дәріс оқу үшін заңгер, Полиция департаментінің қызметкері сынды мамандар шақырылған, деп хабарлайды Altaynews тілшісі.

Мамандар студенттерге түрлі жағдайларда қалай әрекет ету керегін түсіндіріп, есірткі сақтау немесе қолдану бойынша қарастырылған заңдарды нақтылап айтты.

Шараға «Феникс» ҚҚ басшысы Назигуль Ахметқалиева, «Answer» ҚҚ заңгері Тимур Мамедсупиев және ПД есірткі қылмысына қарсы іс-қимыл басқармасының қызметкері Алинур Назарбеков дәріс оқу үшін арнайы шақырылды.