4-5 қарашада Б. Александров атындағы спорт сарайында шайбалы хоккейден «ШҚО түнгі хоккей лигасы» облыстық турнирі өтеді. Әуесқой хоккейшілерден құралған командалар арасында өтетін турнир Дәулет Аділбековті еске алуға арналған.

Турнирге «ШҚО» құрамасы, «Oskemen», «Сокол», «Устинка» құрамалары қатысады, деп хабарлайды Altaynews тілшісі.

Жарыс кестесі төмендегідей:

4 қараша күні сағат 12:45-те жартылай финалда «Oskemen» командасы мен “ШҚО” командасы, сағат 14.45-те «Сокол»мен «Устинка» күш сынасады.

Ал 5 қараша күні сағат 12.45-те 3-орын иегері анықталатын матч, сағат 14.45-те 1-орын иегері анықталатын матч өтеді. Марапаттау рәсімі сағат 16.30-да басталады. Кіру — тегін.