Биыл балабақшаларда мыңнан астам орын құрылады - Өскемен
Фото: lada.kz
Биыл Өскемен қаласындағы балабақшаларда мыңнан астам орын құрылады. Бұл туралы қала әкімі Жақсылық Омар айтты, деп хабарлайды Altaynews.kz тілшісі.
Мың орынның ішінде 240 орын - Космическая көшесіндегі балабақша екен. Бұл ғимарат бастапқыда балабақша болған, бірақ 90-шы жылдары мемлекеттік мекемелердің қажеттіліктеріне бейімделген еді.
- Жақында біз ғимаратты балабақша ретінде пайдалану үшін қайтардық. Конкурстық рәсімдер арқылы кәсіпкер анықталып, балабақшаны 20 жылға пайдалануға алды. Қазір жөндеу жұмыстары жүргізіліп жатыр, жазда аяқталуы керек, - дейді шаһар басшысы.
Сондай-ақ балабақшадағы 75 орын ерекше балаларға арналғанын айта кеткен жөн.
Оқи отырыңыз
