Балабақша кезегі қысқарып келеді – Өскемен
Фото: Altaynews.kz
Облыс орталығында бүлдіршіндерді мектепке дейінгі мекемемен қамту жұмыстары қарқынды жүргізіліп жатыр. Өткен жылы мектепке дейінгі балалар ұйымдарына кезекті азайту мақсатында жылы 770 орындық бес балабақша ашылған.
Ағымдағы жылы кезекті тағы 1180-ге төмендету жоспарланып отыр. Бұл туралы қала әкімі Жақсылық Омар айтты, деп хабарлайды Altaynews.kz тілшісі.
Айта кету керек, соңғы жылдары қалада жаңа бөбекжайлар ел игілігіне беріліп, балабақша кезегі қысқарған. Мәселен, 2017 жылы 14 мың бала кезекте тұрса, өткен жылы бұл тізім үш мыңға дейін азайған.
- Жұмыс істеп тұрған үш балабақша қайта жаңартылып, тағы 190 орын ашылады. Нұрлы Жол шағын ауданында 320 орындық жеке балабақша ашу, Меновноеда 125 орындық бөбекжай ашу жоспарланып отыр. Бұрынғы мектепке дейінгі мекемелердің ғимараттарын қайтару жұмыстары сәтті жүргізілген болатын. Екі ғимаратты нысаналы мақсатқа қайтарып, тағы 600 орын ашпақпыз, - дейді қала әкімі.
Сонымен қатар ерекше қажеттілігі бар балаларға арналған 105 орындық екі балабақша ашылады.
Оқи отырыңыз
