Білім алуға қажетті қаражат жиналатын «Келешек» жинақтау жүйесі енгізіледі
Фото: egemen.kz
Білім алуға қажетті қаражат жинауға арналған жүйе құрылады. Бес жастан асқан балаларға арналған «Келешек» атты бірыңғай ерікті жинақтау жүйесін енгізу тапсырылды.
Аталған жинақ пен «Ұлттық қор – балаларға» жобасының қаражаты арқылы өскелең ұрпақтың сапалы білім алуына қажетті жағдай жасалады, деп хабарлайды Altaynews тілшісі Ақордаға сілтеме жасап.
– Мемлекеттің білім саласына қатысты жұмысында тұтастық, яғни жүйе жоқ. Тіпті өзара байланыс жоқ деуге болады. Сондықтан бес жастан асқан балаларға арналған «Келешек» атты бірыңғай ерікті жинақтау жүйесін енгізуді тапсырамын.
Бұл бағдарламада мемлекет тарапынан ұсынылатын бастапқы білім беру капиталы, жыл сайынғы мемлекеттік сыйақы және инвестициялық табыс қарастырылуға тиіс. Осы жинақ пен «Ұлттық қор – балаларға» жобасының қаражаты қосылғанда жас ұрпақтың сапалы білім алуына мүмкіндік туады, – деді Мемлекет басшысы Қасым-Жомарт Тоқаев.
Бұл бағдарламада мемлекет тарапынан ұсынылатын бастапқы білім беру капиталы, жыл сайынғы мемлекеттік сыйақы және инвестициялық табыс қарастырылуға тиіс. Осы жинақ пен «Ұлттық қор – балаларға» жобасының қаражаты қосылғанда жас ұрпақтың сапалы білім алуына мүмкіндік туады, – деді Мемлекет басшысы Қасым-Жомарт Тоқаев.
Сонымен қатар Президент платформалық жұмыс саласындағы еңбек құқығы мәселесіне тоқталды.
– Қазір еңбек нарығында ауқымды өзгерістер болып жатыр. Онда цифрлы экономиканың рөлі арта түспек. Платформалық жұмыспен қамту жүйесіне қызығушылық артып келеді. Осы секторда қазірдің өзінде жарты миллионнан астам адам жұмыс істейді. Алайда олардың еңбек құқықтары толық қорғалмаған. Сондықтан осы санаттағы азаматтардың еңбек құқықтарын қорғаудың нақты тәсілдерін әзірлеп, платформалық жұмыспен қамту мәселесін түгел реттеу қажет, – деді Президент Жолдауда.
Оқи отырыңыз
