Лицей мен гимназияға түсу үшін балалар емтихан тапсырмайтын болды
Фото: ernur.kz
Қазақстанда лицейлер мен гимназияларда бірінші сыныпқа қабылдау кезінде емтихан өткізуге тыйым салынды. Тиісті заңға Мемлекет басшысы Қасым-Жомарт Тоқаев қол қойды, деп хабарлайды Altainews.kz сайты Informburo.kz порталына сілтеме жасап.
Оның маңызы туралы Оқу-ағарту министрлігі Орта білім беру комитетінің төрағасы Қаныбек Жұмашев түсіндірді.
- Бұл норма дайындық деңгейіне қарамастан, балаларға барлық типтегі мектептерге қабылдау кезінде шектеулерді алып тастайды. Бастапқы білімді игеруге танымдық қабілеттер мен әлеуметтік қарым-қатынас дағдыларын дамытуға тең мүмкіндікті қамтамасыз етеді, – деді Қаныбек Жұмашев.
Оның айтуынша, тестілеу мен әңгімелесуге қатысу баланың психологиялық-эмоционалдық жағдайы мен денсаулығына теріс әсер етуі мүмкін. Заңдағы өзгеріс соның алдын алады.
- Бұл өзгерістер алдағы оқу жылында бірінші сыныпқа қабылдағанда кезде енгізіледі, – деді Қаныбек Жұмашев.
Оқи отырыңыз
Өскеменде бірінші сыныпқа қабылдау басталадыБиыл 6 жасқа айы толмай тұрған балалар бірінші сыныпқа қабылдана беретін болдыНұр Отан» партиясының хатшысы Семейдегі мектеп асханасының жұмысымен таныстыБілім басқармаларына оқу-тәрбие процесін бақылауды күшейту туралы тапсырма берілдіБірінші сыныпқа қабылдауға қанша өтініш түсті?
