KZ
Өскемен
+25°
ясно жел 7 м/с, З
479.05 534.57 5.17

2,5 мыңға жуық мектепте білім беру сапасын қамтамасыз ету бойынша тексеру жүргізіледі

Фото: ҚР Оқу-ағарту министрлігі

Бүгін, 13:00 3 Айжанат Бақытқызы

ҚР Оқу-ағарту министрлігінің Білім саласында сапаны қамтамасыз ету комитеті биылғы жылдың соңына дейін профилактикалық бақылау жүргізу үшін 2487 білім беру ұйымын анықтады, деп хабарлайды Altainews.kz тілшісі.

Оқу-ағарту министрлігі баспасөз қызметінің ақпараты бойынша, жаңа оқу жылының басында білім беру саласындағы сапаны қамтамасыз ету жөніндегі аумақтық департаменттер 422 білім беру ұйымында бақылау-бағалау іс-шараларын жүргізген.

Іс-шаралар оқу үдерісіндегі проблемаларды анықтауға, оқу процесінің мемлекеттік жалпы білім беру стандартының талаптарына және біліктілік талаптарына сәйкестігін анықтауға бағытталды.

«Өткен жылы Комитет пен оның аумақтық департаменттері 2624 білім беру ұйымында түрлі тексерулер жүргізді, оның ішінде мемлекеттік аттестаттау, профилактикалық бақылау, шағымдар бойынша жоспардан тыс тексерулер жүргізілді. Тексеру нәтижесінде мұғалімдердің біліктілігін арттыру курстарының уақтылы аяқталмауы, мектептердің материалдық-техникалық базасының талапқа сай қамтамасыз етілмеуі фактілері анықталды», - деп атап өтті Білім саласында сапаны қамтамасыз ету комитетінің төрағасы Ернұр Дәуенов.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив