KZ
Өскемен
+7°
ясно жел 2 м/с, СБ
443.85 474.3 4.8

Су басқан аймақтардағы мектептерде сабақ онлайн форматқа көшіріледі

pixabay.com

31.03.2024, 23:00 224 Назерке Каримова

Елдегі 88 білім беру ұйымы төртінші тоқсанды қашықтан оқыту форматында бастайды.

Бұл туралы ҚР Оқу-ағарту министрлігінің ресми өкілі мәлімдеді, деп хабарлайды Altainews.kz тілшісі.

Қашықтан оқыту су тасқыны қаупі сейілмеген аумақтардағы 56 мектепте, сондай-ақ эвакуациялық пункттер ретінде айқындалған 32 мектепте ұйымдастырылып отыр.

- Осы дүйсенбіден бастап 3 млн-нан астам қазақстандық оқушы үшін 2023-2024 оқу жылының төртінші тоқсаны басталады. Бұл ретте су тасқыны жағдайы сақталған өңірлердегі оқушылар қашықтан оқуға көшіріледі. Жергілікті жерлерде Оқу-ағарту министрлігінің аумақтық білім беру саласында сапаны қамтамасыз ету департаменттері мен өңірлік білім басқармалары жұмыс жасауда. Эвакуациялық бекеттердегі балаларға қажетті көмек көрсету үшін психологиялық қызметтер іске қосылды. Балалар қашықтан оқу үшін қажетті оқу құралдарымен, киім-кешекпен және техникалық құралдармен қамтамасыз етілді. Эвакуацияланған 1-4-ші сынып оқушыларын тамақтанумен қамту мәселесі бойынша жұмыстар жүргізілуде, - деп атап өтті ведомствоның ресми өкілі Мереке Амангелдіқызы.


Оқу-тәрбие процесі мемлекеттік жалпыға бірдей білім беру стандарттарына сәйкес ұйымдастырылады. 

Сондай-ақ, тәуекелдерді азайту және төтенше жағдайда білім беру процесін жалғастыруды қамтамасыз ету үшін Ақтөбе облысындағы колледждер қашықтан оқыту форматына ауыстырылды.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив