2024 жылы мемлекеттік әлеуметтік қорғау инспекторлары Қазақстанның барлық өңірлерінде 2 695 тексеру өткізді,- деп хабарлайды Altainews.kz тілшісі. 

Тексеру барысында балабақшалар, мектептер, ауруханалар, сауда орындары және басқа да нысандар қамтылды. Атап айтқанда, мемлекеттік бақылаумен: әкімдіктер – 178, жергілікті атқарушы органдардың бөлімдері мен басқармалары – 112, мемлекеттік мекемелер – 117, балабақшалар – 470, мектептер – 805, колледждер, лицейлер – 145, ауруханалар, емханалар – 89, арнаулы әлеуметтік қызметтер көрсету орталықтары – 101, оңалту орталықтары – 11, дүкендер – 22, сауда үйлері – 39, ДК – 50, мәдениет үйі – 12, мұрағаттар, мұражайлар – 13, банктер – 12, кафелер, мейрамханалар, қонақ үйлер – 33, нотариустар – 4, санаторийлер – 8, «Қазпошта» АҚ бөлімшелері – 9, полиция пункттері – 8, стомалогия – 4, автобус паркі, авто/теміржол вокзалдары, әуежайлар – 9, кітапхана – 4, БЖСМ, спорт мектептері – 16 және басқалар тексерілді.

Тексеру қорытындылары бойынша анықталған бұзушылықтарды жою туралы 1087 ұйғарым берілді, сондай-ақ жалпы сомасы 230,3 млн теңгеден астам айыппұл түрінде 973 әкімшілік жаза қолданылды.

Естеріңізге сала кетейік, 2023 жылғы 1 шілдеден бастап Қазақстанда мемлекеттік әлеуметтік қорғау инспекторларының институты жұмыс істейді. Олар мүгедектігі бар адамдарды әлеуметтік қорғау және осы саладағы заңнаманың орындалуын қадағалаумен айналысады.