Қыс қамы: Қазақстанда 13,8 млн тонна шөп дайындалды
Фото: stock.adobe.com
2025 жылдың 25 шілдесіндегі жағдай бойынша елімізде алдағы қысқа арналған 13,8 миллион тонна шөп дайындалды. Бұл – жоспарланған көлемнің 53,8 пайызы, деп хабарлайды Altainews.kz тілшісі Ауыл шаруашылығы министрлігіне сілтеме жасап.
Сонымен қатар, 1 миллион тоннадан астам сүрлем әзірленген. Бұл жоспардың 59,9 пайызын құрайды.
Жалпы, 2025–2026 жылғы қысқы-қора маусымына республикалық жоспарға сәйкес:
- 24,5 млн тонна шөп,
- 1,7 млн тонна сүрлем,
- 4,6 млн тонна сабан,
- 5,5 млн тонна құрама жем,
- және 2 млн тонна силос дайындау көзделген.
Министрліктің мәліметінше, биыл мал азығына арналған дақылдар 3,3 млн гектар жерге егілген, бұл өткен жылмен салыстырғанда 127,9 мың гектарға көп.
— Қазіргі дайындық қарқыны ауыл шаруашылығы жануарларын қажетті көлемде азықпен қамтуға, қыста мал басын сақтап қалуға және мал өнімділігі бойынша жоспарлы көрсеткіштерге қол жеткізуге мүмкіндік береді, — делінген министрлік хабарламасында.
Мал азығының жағдайы Ауыл шаруашылығы министрлігі мен оның өңірлік құрылымдарының тұрақты бақылауында. Мамандар шаруаларды азық қорын дер кезінде жинап алуға шақырып отыр.
Оқи отырыңыз
