Нұр-Сұлтан қаласында 28-29 қыркүйекте «Хан Шатыр» сауда орталығының жанында ШҚО ауыл шаруашылығы  жәрмеңкесі өткізіледі, деп хабарлайды Алтайньюс тілшісі.

Іс-шара аясында концерттік бағдарлама да бар.

ШҚО-ның 15 ауданы мен 2 қаласы қатысатын  жәрмеңке екі күнге созылады.  Уақыты -  сағат 9.00-ден 18.00-ге дейін.

Өнімнің түржинағы 15-тен астам. 224,7 млн.теңге сомаға 310 тонна көлемінде ауыл шаруашылығы өнімін әкелу жоспарланған.

Жәрмеңке аясында 60 тоннадан астам бал, 5 тонна шұжық өнімдері, 15 тонна сүт, 13 тонна өсімдік майы, 3 тонна жарма, 5 тонна балық, 45 тонна жылқы еті, 10 тонна қымыз және  панта өнімдері, 150 тонна көлемінде көкөніс ұсынылады.

Санитарлық-ветеринариялық талаптарға сәйкес және сатушылардың қолында өнімдердің сапасы мен қауіпсіздігін растайтын құжаттары болады.