Денешынықтыру мен бұқаралық спортты дамыту, салауатты өмір салтын насихаттау – салауатты ұлтты қалыптастырудың басты кілті.

2023 жылға мемлекеттік спорттық тапсырысты жан басына қаржыландыру бағдарламасын іске асыру үшін Шығыс Қазақстанның облыстық бюджетінен 963,4 млн теңге қаражат бөлінді, деп хабарлайды Altaynews.kz тілшісі.

Сонымен қатар ерекше қажеттіліктері бар жандарға да жіті көңіл бөлінбек. Өңірде мүмкіндігі шектеулі жандарға арналған спорт клубы жұмыс істейді. Клуб өз қызметін бірнеше бағытта жүзеге асырады – бұл Паралимпиадалық, сурдолимпиадалық қозғалыстар, спешиал олимпикс және иппотерапия. Қазіргі уақытта Ұлттық құрамада Шығыс Қазақстаннан ерекше қажеттіліктегі 42 спортшы бар. Биылғы жыл аймақ спортшылары үшін жемісті басталды. 2023 жылдың 3 айында Шығыс Қазақстан спортшылары түрлі спорт түрлері бойынша 1880 медаль жеңіп алды, оның ішінде: 642 – алтын, 647 – күміс, 591 – қола медальдар.