Биылғы мамыр айының соңында ШҚО ПД жедел бөлімшесіне Катонқарағай ауданының 29 жастағы тұрғыны үйінде тіркелмеген қару сақтайтыны туралы ақпарат келіп түскен.

Сот үкімі бойынша аудан тұрғынына 6 ай мерзімге бас бостандығын шектеу жазасы тағайындалды, деп хабарлайды Altaynews тілшісі.

Полиция қызметкерлері мәлімдемені ала салысымен дереу тексеруге кіріскен. Жедел тінту барысында аталған азаматқа тиесілі үй-жайдың шатырынан атыс қаруы табылып, тәркіленді. Сараптама қорытындысына сәйкес, қару 5,6 мм калибрлі «ТОЗ-8» үлгісіндегі атуға жарамды мылтық екені анықталған.

Дерекке сүйенсек, аталған факті бойынша ҚР Қылмыстық кодексінің 287-бабы бойынша сотқа дейінгі тергеу амалдары жүргізілді. Нәтижесінде 15 маусымда аудандық сот үкімі бойынша күдіктіге 6 айға бас бостандығын шектеу жазасы тағайындалды.