Жас полицейлердің республикалық слеті мәресіне жетті – ШҚО
Фото: ШҚО ПД ресми парақшасынан алынды
19-20 шілде аралығында ШҚО полиция департаментінде жас қызметкерлер мен олардың тәлімгерлерінің республикалық слеті өтті. Оған елдің барлық өңірінен 70-тен астам тәртіп сақшысы қатысты.
20 шілдеде қорытынды форум өтіп, тәлімгерлер мен жас полицейлер шараның маңызы мен алған әсерлері туралы жеткізді, деп хабарлайды Altaynews тілшісі.
Форумды ашқан ІІО және ҰҰ ардагерлер кеңесінің төрағасы Өмірзақ Болсамбеков жас полицейлердің кәсіби біліктілігін арттыруға бағытталған тәлімгерліктің рөлін арттыру өзекті мәселелердің бірі екенін және бұл шара ел өңірлері арасында тәжірибе алмасуға мүмкіндік беретінін атап өтті.
Ауқымды шара мерекелік концертпен және жас полицейлерді тәрбиелеуге зор үлес қосқан тәлімгерлер мен жас қызметкерлерді марапаттау рәсімімен аяқталды.