Аймақтардан жиналған полицейлер тимбилдингке қатысты – ШҚО
Фото: ШҚО ПД ресми парақшасынан алынды
19 шілдеде ШҚО ПД-да жас қызметкерлер мен олардың тәлімгерлерінің республикалық слеті басталды. Оған елдің әр өңірінен 70-тен астам полиция қызметкері қатысады.
Слет аясында тәртіп сақшылары полицейлердің командалық рухын көтеруге және біріктіруге бағытталған тимбилдингке қатысты, деп хабарлайды Altaynews тілшісі.
Спорттық ойындар мен эстафеталар, конкурстар қатысушылардың бейресми қарым-қатынас орнатуы үшін ойластырылған.
– Топтық терапия – бұл жұмыстың тиімді әдістерінің бірі. Ол өз эмоцияңды жақсы түсінуге және басқаруға көмектеседі, – дейді ІІМ Кадр саясаты департаментінің бастығы Ораз Жолдасов.
Сонымен қатар елдің барлық аймағынан келген кадр бөлімшелерінің басшылары семинар-кеңеске қатысып, тәлімгерлік пен ішкі істер органдарындағы кадр саясаты мәселелерін талқылады.
– Қазақстан полициясының жас буыны – біздің ертеңіміз. Біз, басшылар, тәлімгерлер, ІІО ардагерлері – олар үшін жауаптымыз. Өйткені полицияның болашағы, қылмысқа қарсы күрес пен елдегі құқықтық тәртіпті қамтамасыз ету олардың алғыр ойы мен шеберлігіне байланысты болады. Тәлімгерлік – ұрпақтар сабақтастығы қағидатының нақты көрінісі. Өйткені біздің жас қызметкерлермен жұмысымыздың түпкілікті нәтижесі нақты ойластырылған көзқарас пен қарым-қатынасқа байланысты, – дейді полковник Ораз Жолдасов.
Оқи отырыңыз
