Құтқарушылар суға батып бара жатқан адамды құтқарды – ШҚО
Фото: ШҚО ТЖД баспасөз қызметі
Өскемен қаласындағы "Восточник-3" саяжай бірлестігінің ауданындағы Ертіс өзенінің бөлігінде ер адамды ағын алысқа алып кеткенін адамдар байқап қалған.
ШҚО ТЖД Жедел-құтқару жасағының қызметкерлері оқиға орнына қайықпен жеткен, деп хабарлайды Altaynews тілшісі.
Суға батқан ер адам бұталарды ұстап үлгерген көрінеді. Құтқарушылар 1987 жылы туған ер адамды судан алып шыққаннан кейін құтқару станциясына жеткізіп, медицина қызметкерлеріне тапсырған.
ШҚО ТЖД жабдықталмаған орында шомылуға болмайтынын, суға мас күйде түсуге болмайтынын еске салды.