ШҚО-да 2022 жылдың 1 қазанында жеке тұлғалардың мүлік салығы бойынша қарызы 48,6 млн теңгені құраған. Оның ішінде 38,6 млн теңге Өскемен қаласына тиесілі.

Бұл туралы ШҚО бойынша МКД өндірістік емес төлемдер басқармасының бас маманы Арайлым Тұрысбаева Аймақтық коммуникациялар қызметінде өткен брифингте айтты, деп хабарлайды Altaynews тілшісі.

Мамандар жеке тұлғалардың көлік құралдарына салық салу, мүлік салығы, берешектің жай-күйі және жеке тұлғалардан берешекті мәжбүрлеп өндіріп алу шаралары туралы айтты.

Жеке тұлғалар үшін 2022 жылғы мүлік салығын, оның ішінде жер салығын төлеу мерзімі биыл 1 қазанда аяқталады.

Өсімпұл есептеуді болдырмау үшін қарызды толық өтеу қажет. Салық төлеу уақыты өткеннен кейін әрбір күн үшін бюджетке Ұлттық банктің базалық ставкасының 1,25 еселенген мөлшерінде өсімпұл алынады.