2 жасар баланың үстіне кір жуғыш машина құлап кетті – ШҚО
Фото: f.azh.kz
ШҚО-да 2 жасар баланың үстіне ыстық су толған кір жуғыш машина құлап кетіп, денесінің 79 пайызы күйіп қалды.
ШҚО Денсаулық сақтау басқармасының мәліметіне сүйенсек, оқиға 26 тамыз күні Алтай қаласында болған, деп хабарлайды Altaynews Қазақпарат агенттігіне сілтеме жасап.
Сол уақыттан бері дәрігерлер екі жасар баланың өмірі үшін күресіп жатыр.
Бүлдіршін үйде ойнап жүріп, ыстық су толған кір жуғыш машинаны үстіне құлатып алған. Соның салдарынан басын, мойнын, денесін, аяғы мен қолын термиялық күйік шалды. Жалпы денесінің 79 пайызы күйіп қалған. Ол санитарлық авиациямен шұғыл түрде Өскемен қаласына жеткізілді.
– Ауруханаға жатқызылған күннен бастап қазіргі уақытқа дейін балаға шокқа қарсы және детоксикация терапиясы жасалып, қан мен плазма құйылды. Сондай-ақ хирургтар денесінің зақымдалған жерлерінің шамамен 35%-на төрт еселік аутодермопластика (тері егу) жасады. Бүгінде баланың жағдайы "тұрақты ауыр" деп бағаланып отыр, - делінген басқарманың ақпаратында.
Оқи отырыңыз
ШҚО-да қойдың басын үйітпек болған ер адам отқа күйіп қалдыДенесінің 40 пайызы күйіп қалған - Аягөздегі жарылысқа қатысты дәрігерлердің мәліметіДенесінің 40 пайызы күйіп қалған қария ауруханаға жеткізілдіСемейде ұялы телефонмен ойнаған бала күйіп қалдыӨскеменде газ баллонының жарылуынан 52 жастағы ер адам күйіп қалды
