Бүгін Риддер ЖЭО-да орташа қысымдағы алғашқы қазандық іске қосылды.

Келесі аптада жылу орталығында тағы бір қазандық іске қосылады, деп хабарлайды Altaynews.kz тілшісі.

Экрандар, бумен жылытқыштар және құбырлар жаңа болғандықтан, бұл көп уақытты алмайды.

Жүйе қызған соң қалаға ыстық су беріледі, алдымен әлеуметтік нысандарға, яғни балабақша, мектеп, ауруханаларға.

Күн суытып, сәйкес температуралық режим қалыптасқаннан кейін жылу беріле бастайды, бірінші кезекте әлеуметтік маңызы бар нысандар қосылады.

Сенімгер басқарушы,  «Риддер су арнасы» КММ басшысы  Константин Ханның мәліметі бойынша, келесі аптада тағы бір қазандық іске қосылмақ, бұл – орташа қысымдағы №1 қазандық агрегаты. Одан кейін – үшінші қазандық, яғни №2 қазандық агрегаты іске қосылады.

Оның айтуынша, Риддер ЖЭО-да отын жоқ деген қауесет таралып жатыр екен, бірақ бұл шындыққа жанаспайды.