ШҚО прокуратурасы инвестициялық жобаларды қолдау шараларын қабылдап жатыр
Фото: egemen.kz
Прокуратура маңызды инвестициялық жобаларға қолдау көрсетіп жатыр. Инвесторлардың құқығы бұзылуына жол бермеу және олардың қызметін ілгерілетуге көмек көрсету мақсатында облыстық прокуратурада фронт-офис қызмет көрсетеді.
Фронт-офистің жұмысына барлық мүдделі органдар мен ұйымдар қатысады, деп хабарлайды Altaynews тілшісі.
Прокурорлар инвесторлардың жобасын іске асыруда, олардың өзінің қызметінде кездесетін кедергілерді тиімді шешеді.
– Бүгінгі таңда прокуратура қызметінің басым бағыттарының бірі инвесторларды қолдау болып отыр. Осы жұмыстың барысында әр инвестор назарда болады, – деп жазылған ШҚО прокуратурасының хабарламасында.
Инвесторлардың хабарламаларына жедел ден қою үшін облыс прокуратурасында мобильді топ тәулік бойы жұмыс істейді. Оның байланыс телефоны: 87054180521. Одан өзге, күн сайын кезекші прокурордың жеке қабылдауына жазылуға болады. Мекенжайы: Өскемен қаласы, Пермитин к., 21, телефоны: 8(7232)24-32-99.
Оқи отырыңыз
