Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев ШҚО-дағы инвестициялық орталық жұмысымен танысты.

– Бізге басқа облыс, басқа елдерден инвесторлар келеді. Осы орталықта оларды облысымыздың мүмкіндіктері және базасымен таныстырамыз. Олар осы орталықтан барлық ақпаратты алады. Енді бұл жерге инвесторлардың күн сайын келіп жатпағаны белгілі ғой. сондықтан оқушыларды кәсіпкерлікке үйретеміз, – деді облыс әкімі Даниал Ахметов.

Маманның сөзінше, оқушыларға Д.Серікбаев атындағы техникалық университеттің оқытушылары білім береді. Мұнда негізінен практикалық сабақтар жүреді. Оқушылардың тапсырманы орындауына тренерлер көмектеседі.

– Оқушылар болашақ мамандығын осы орталықта таңдауға зор мүмкіндік алады. Олар 10 жастан жоғары, 12 жастан жоғары және 14 жастан жоғары болып үш топқа бөлінеді. Солайша деңгейлеріне қарай инвестиция және кәсіпкерлік туралы оқиды. Оқушылар мұнда қабылдану үшін математика, логика, ағылшын пәндерінен сынақтан өтеді және жеке портфолиосын көрсетеді, – деді орталық маманы.

Айта кетейік, Инвестициялық орталық мекенжайы: Өскемен қаласы, Қазақстан көшесі, 59/1-үй, 3-қабат.