Риддер қаласында «Зымыран-2023» арнайы-тактикалық оқу-жаттығу өтті.

Жоспар бойынша, «Байқоңыр» ғарыш айлағынан ұшқан зымыран тасығыштың фрагменттері Риддер қаласының аумағына құлаған, деп хабарлайды Altaynews тілшісі.

Апатты жедел жою үшін аймаққа азаматтық қорғау қызметі барып жетті. Облыстық және аудандық әкімдікте төтенше жағдайлар жөніндегі комиссиялардың шұғыл отырысы өтті.

Қоғамдық тәртіпті қорғау қызметі зымыран тасығыштың құлау ауданын қоршап, жақын аумақтағы ауылдың тұрғындарына жағдай туралы ақпарат сигналдық-дауыс құрылғыларымен жабдықталған автомобиль арқылы берілді. Мамандар тұрғындарды қауіпті аймақтан эвакуациялап, арнайы пунктке жеткізілді. Оларға психолог көмек көрсеткен. Өрт сөндірушілер өртті өшіріп, жергілікті атқарушы органдар химиялық заттардың тарау деңгейін анықтап, апат аумағын қалыпқа келтірген.