Бүгін Өскеменде ҚР Парламенті Сенатының төрағасы Мәулен Әшімбаевтың қатысуымен парламенттік комиссияның көшпелі отырысы өтті.

Шарада "Ауаның ластануы - экологиялық қауіпсіздікке төнген қатер" тақырыбында қалалар мен елді мекендердің қауіпсіздігі мен экологиялық тұрақтылығын қамтамасыз ету, сондай-ақ тұтыну мен өндірістің ұтымды үлгілеріне көшу мәселелері талқыланды, деп хабарлайды Altaynews.kz тілшісі.

Егер ауаның ластануына жеке секторлардағы үйлердің қатты отын қалдықтары да кері әсерін тигізетінін ескерсек, шығысқазақстандық ғалымдардың технологиясы назар аударуға тұрарлық.

Тұрақты дамудың стратегиялық мәселелерін шешу үшін нақты іс-қимыл алгоритмі қажет деп есептейді кездесуге қатысушылар. Іс-шара барысында олар бірқатар проблемалық тақырыптарды көтерді, оның ішінде атмосфералық ауаның ластануының экологиялық жағдайға және халықтың денсаулығына әсері туралы да айтылды.