Қазақстан Республикасының орнықты даму саласындағы ұлттық мақсаттар мен міндеттерді іске асыру мониторингі жөніндегі парламенттік комиссияның көшпелі отырысының тақырыбы – «Ауаның ластануы - экологиялық қауіпсіздікке төнген қатер».

Отырысқа Парламент Сенатының төрағасы Мәулен Әшімбаев, экология және табиғи ресурстар министрі Ерлан Нысанбаев, ШҚО әкімі Ермек Көшербаев, денсаулық сақтау вице-министрі – бас мемлекеттік санитарлық дәрігер Айжан Есмағамбетова, аграрлық мәселелер, табиғатты пайдалану және ауылдық аумақтарды дамыту комитетінің төрағасы Әли Бектаев, кәсіпорын өкілдері, экологтар қатысуда, деп хабарлайды Altaynews.kz тілшісі.

Сенат спикері Парламент жаңа Экологиялық кодексті қабылдағанын, Мемлекет басшысы Көміртекті бейтараптық стратегиясына қол қойғанын еске салды. Республикада "жасыл экономикаға" көшу өзекті болып отыр.

Отырыс шеңберінде белгіленген мәселелердің өткірлігін азайтуға мүмкіндік беретін ұсынымдар әзірлеу жоспарлануда.