Келер жылы ШҚО-да май тұқымын қайта өңдеу 900 мың тоннаға дейін ұлғайып, өсімдік майын экспорттау көлемі екі есе артады.

Бұл туралы ШҚО әкімі Ермек Көшербаевтың бүгін өтіп жатқан Өскемен қаласы тұрғындарымен есептік кездесуінде мәлім болды, деп хабарлайды Аltaynews.kz тілшісі. 

Шығыс Қазақстан – майлы дақылдарды өсіруге маманданған аймақ.  Дақылдың бұл түрін өсіру және өңдеу бойынша өңір республикада көш бастап келеді.

Өңір басшысы Өскеменде «Алтай» көтерме-тарату орталығының құрылысы аяқталып қалғанын, бұл нысан ауыл шаруашылығы тауарын өндірушілердің өнімін өткізу алаңына айналатынын айтты. Ал тұрғындар сапалы әрі қолжетімді бағадағы өнімдерді делдалсыз сатып алуға мүмкіндік алады. Бұл мәселеде өндіріс пен тұтыну тепе-теңдігін сақтау маңызды.

Жалпы, облыста ауыл шаруашылығы саласының әлеуеті жоспарлы түрде артып келеді.