Температураның күрт өзгеруіне байланысты таулы өлкелерде қар көшкінінің түсуі болып тұрады. Осыған орай Шығыс Қазақстанда жасанды көшкін түсіру жұмыстары жүріп жатыр.

Соңғы күндердегі температураның төмендеуіне байланысты қар көшкінінің жүру қаупі байқалған. Алайда арнайы мамандар оның алдып алып отыр, деп хабарлайды Altaynews.kz тілшісі.

ШҚО ТЖД және ШҚ «Қазселденқорғау» филиалы азаматтардан, туристер мен демалушылардан қарлы беткейлерге шықпауды, сондай-ақ таулы жерлерде барлық қауіпсіздік шараларын сақтауды сұрайды. Бұл қар көшкінінің болуына әкеліп соғуы мүмкін. Тауға шықпас бұрын ауа райы болжамын және дауыл туралы ескертулерді біліп алған жөн. Ол үшін «Darmen» мобильді қосымшасын тегін жүктеп алыңыз.

Қар көшкіні қаупі бар жерлерде автожолдарда, тоқтауға, аялдауға болмайды. Төтенше жағдай туындаған кезде «112» нөміріне қоңырау шалыңыз.