Зайсан ауданында рапс өңдейтін фабрика салу жөнінде мәселе қаралды. 

Облыстық әкімдікте салалық басқарма басшылары мен қала-аудан әкімдерінің қатысуымен өткен жиында ШҚО-да жүзеге асырылатын серпінді жобалар талқыланды, деп хабарлайды Altainews.kz тілшісі.

Зайсан ауданының әкімі Аэлита Ахметсәлімқызының айтуынша, ауданда екі ірі жоба жүзеге асырылмақ: әуежай мен ГЭС. Гидроэлектростанцияның салынуы 12 мың гектар жерді суаруға мүмкіндік береді. Ал бұл ауданда ауыл шаруашылығын дамытуға септігін тигізетіні сөзсіз. Аудан әкімдігі егін шаруашылығында рапс өсіруге ден қойып, оны Қытайға экспорттауды көздеп отыр екен.  

Аймақ басшысы Шемонаиха ауданын мысал ретінде келтірді. Бұл аудандағы май зауытына 200-ден астам ауыл шаруашылығы өндірушісі шикізат жеткізіп отырады. 

Ермек Көшербаев аудан әкімдіктеріне әр өңірдің өзіне тән және келешегі бар бағыттарды дамыту қажет екенін алға тартты.