Шығыс Қазақстанда бал өңдеу зауыты салынады
Шартты сурет: Тілеубек Шаяхмет
Шығыс Қазақстан облысы ара шаруашылығы өнімдерін өндіру бойынша еліміздегі жетекші өңірлердің бірі, тіпті бірегейі десе де болады.
«Қазақстанда жасалған» деген таңбамен алыс-жақын шетелдерге экспортталатын балдың 70%-ы Шығыста өндіріледі, деп хабарлайды Altainews.kz тілшісі.
Алдағы уақытта облыста бал өңдеу зауытын салу жоспарланған.
- Қазір біз балды жай ғана сатып жатырмыз. Оны өңдеумен ешкім айналыспайды. Бұл мәселені тереңірек зерделеп, ара шаруашылығы өнімдерін өңдейтін фабрика ашуды қарастыруымыз керек, – деп атап өтті ШҚО әкімі Ермек Көшербаев әкімдікте өткен жиында.
Аймақ басшысы облыстың кәсіпкерлік және ауыл шаруашылығы басқармалары басшыларына, сондай-ақ аудан әкімдеріне осы мәселені жан-жақты зерделеп, бал өңдеу зауытын салу бойынша нақты жоспар әзірлеуді және бұл жобаға инвестор тарту жолдарын қарастыруды тапсырды.
Оқи отырыңыз
