ШҚО-да су тасқыны жағдайына тәулік бойы мониторинг жүргізілуде
ШҚО ТЖД
Облыс бойынша қардың көлемі 60%-дан асады.
Өңірдегі қар жылдам еріп жатыр, судың деңгейі көтерілу қаупі бар, деп хабарлайды Altainews.kz сайтының тілшісі ШҚО ТЖД ақпаратына сүйеніп.
- Өңірдегі су қоймаларына тәулік бойы мониторинг жүргізіледі, - деп мәлімдеді ШҚО ТЖД. - Құтқарушылар су тасқыны қауіп төндіріп тұрған аудандарда рейд жүргізіп, тұрғындарына тасқын кезіндегі әрекет ережелерін түсіндіруде.
Алтай ауданында алдын алу жұмыстары жалғасуда, бұнда көмекке ҚР ТЖМ № 68303 әскери бөлімінің әскери қызметшілері жіберілген.
Облыста тасқын бола қалған жағдайда жергілікті атқарушы органдардың және азаматтық қорғау қызметтері құралымдарының 2270 адамы, 732 техника, сондай-ақ 61 жүзу құралдары мен 234 мотопомпа дайын тұр. Жергілікті атқарушы органдар153 мыңнан астам адам сиятын 17 уақытша орналастыру пунктін дайындады.
Төтенше жағдай кезінде 112 нөміріне хабарласу қажет.
Оқи отырыңыз
