«Қазгидромет» ШҚ филиалының мәліметінше, қардың ең көп мөлшері Алтай ауданында - 96 см, Марқакөл ауданында (Теректі) - 81 см, Риддер қаласында - 56 см. Тарбағатай ауданында топырақтың қату тереңдігі - 87, Самар ауданында - 75 см, Зайсан ауданында - 66 см, деп хабарлайды Altaynews.kz тілшісі.           

Жағдай күрделене түскен жағдайда жергілікті атқарушы органдар мен азаматтық қорғау қызметтері құралымдарының күштері мен құралдары топтастырылды, олардың саны 2334 адам, 735 бірлік техника, 50 бірлік жүзу құралдары және 223 мотопомпалар.

Температураның күрт жоғарылауы және қатты жауын-шашын кезінде топырақтың қатуы мен қар жамылғысын ескере отырып, су тасқыны жағдайының нашарлауы мүмкін. Ағымдағы жылы топырақтың күзгі ылғалдылығының көрсеткіштері Алтай және Самар аудандарында орташа көпжылдық деңгейден жоғары. 

Құтқарушылар халыққа су тасқыны кезеңіне алдын ала дайындалуды ұсынды. Үй маңындағы аумақтан қарды уақтылы алып тастау, арықтарды қоқыс пен мұздан тазарту, су бұру арықтарын жасау. Су деңгейі көтерілген жағдайда 112 нөмірі бойынша хабарлау қажет.

                                                                    Айжанат Бақытқызы