Шығыс Қазақстанда 1 ақпаннан бастап су тасқыны кезеңіне жоғары дайындық режимі енгізілді.

Су айдындарында күнделікті мониторинг жүргізіледі, деп хабарлайды Altaynews тілшісі.

"Қазіргі уақытта жергілікті атқарушы органдар 160 000 текше метрден астам қар шығарды. Шығыс Қазақстанда су тасқыны қаупі бар 71 елді мекен бар, 15 елді мекенде қауіп толығымен жойылып, 46-ға азайтылды", - деп мәлімдеді ШҚО ТЖД.

Департаменттің дағдарыс орталығында тәулік бойы жұмыс істейтін су тасқыны кезеңінен өту жағдайына мониторинг жүргізу бойынша штаб құрылған.

«Су тасқыны қаупі төнген кезеңде облыста жедел ден қою үшін жеке құрамның 1719 адамы, 224 мотопомпасы, құтқарушылар мен жергілікті атқарушы органдардың 83 жүзу құралы, сондай-ақ 750-ден астам техника топтастырылған. 29 000 дана қап, 1,9 мың тонна инертті материал және 226 тонна ЖЖМ дайындалды. Ықтимал ТЖ жағдайында эвакуацияланатын халықты орналастыру үшін қалалар мен аудандардың әкімдері жалпы сыйымдылығы 6500 адамнан асатын 68 уақытша орналастыру пунктін дайындады», - деді мамандар.

Құтқарушылар үйлерді аралап, су басу қаупі төнген халыққа нұсқау берген.