Өндіріс орнынан табылған адам сүйектерінің жасы анықталды - ШҚО
Фото: smolnarod.ru
ШҚО Алтай ауданындағы өндіріс орнынан табылған адам сүйектерінің жерге 100 жылдан астам уақыт бұрын көмілгені анықталды, деп хабарлайды Altainews.kz тілшісі Kazinform агенттігіне сілтеме жасап.
ШҚО Полиция департаменті баспасөз қызметінің мәліметінше, 18 сәуірде аудандағы өндіріс орнының аумағынан екі адамның бас сүйегі мен дене сүйектерінің сынықтары табылған. Компания қызметкерлері бұл жайлы бірден полицияға хабарлаған.
– Тергеу жүргізіліп, сараптама тағайындалды. Нәтижесінде, сүйектердің 100 жылдан астам уақыт бойы жерде жатқаны анықталды. Бірақ ол адамдардың өлу себебін білу мүмкін емес, – дейді департамент бастығының бірінші орынбасары Думан Қожахметов.
Оның айтуынша, мұрағат деректеріне сәйкес, сүйектер табылған аумақта зират болған.
– Енді сүйектерді басқа орынға жерлеу туралы шешім қабылдануы ықтимал, – деп хабарлайды ПД баспасөз қызметі.
Оқи отырыңыз
