KZ
Өскемен
+14°
облачно с прояснениями жел 1 м/с, С
459.75 494.14 5.54

Өскеменде әскери қызметкерлер арасында сұрмергендер сайысы өтті

"Шығыс" өңірлік қолбасшылығынан
"Шығыс" өңірлік қолбасшылығынан
18.05.2024, 14:00 71 Назерке Каримова

Ұлттық ұланның "Шығыс" өңірлік қолбасшылығына қарасты №3477 әскери бөлімнің оқу-жаттығу базасында оқ атудан сайыс өтті.

Жарыста Павлодар, Семей, Курчатов және Өскемен қалаларының әскери қызметшілері сынға түсіп, сұрмергенді анықтады, деп хабарлайды Altainews.kz тілшісі.

"Шығыс" өңірлік қолбасшылығының баспасөз қызметінің ақпаратына сүйенсек, қатысушылар 25, 100 және 300 метр қашықтық бойынша бақ сынады. Жарыс командалық және жеке сында өткізілді. Қатысушылар Драгунов мергендік мылтығы мен Макаров тапаншасынан оқ атты.

- Бұқаралық спортты дамытуға құқықтық тәртіп әскерлерінде айтарлықтай көңіл бөлінеді. Оқ ату бойынша жарыстар әскери қызметшілердің бойындағы мақсатқа қарышты қадам жасау, дәлдікді анықтау, шыдамдылық көрсету және өзін-өзі бақылау сияқты қасиеттерді жетілдіруге әсер етеді, - дейді "Шығыс" өңірлік қолбасшылығының спорт және дене даярлық қызметінің бастығы подполковник Бауыржан Дарыбаев.


Екі күнге созылған сайыс тартысқа толы болды. Әділқазылар алқасының шешімімен жалпыкомандалық есепте 1-орынға Өскемен қаласының №3477 әскери бөлімі, ал 2-орынға Өскемен қаласының №5518 әскери бөлімі ие болды. Сондай-ақ жүлделі 3-орынды Курчатов қаласының №3477 әскери бөлімі місе тұтты.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив