ШҚО-да сарбаздар шаңғымен жарысты
27 желтоқсанда Өскемен қаласында Ұлттық ұланның «Шығыс» өңірлік қолбасшылығына қарасты әскери бөлімдер арасында 5 шақырым қашықтыққа шаңғымен жүгіруден жарыс өтті.
Спорттық жарыс қаладағы Комсомольск аралында өткізілді, деп хабарлайды Altaynews тілшісі «Шығыс» өңірлік қолбасшылығының баспасөз қызметіне сілтеме жасап.
Жарысты салтанатты түрде ШҚО бойынша қысқы Президенттік көпсайыс Федерациясының президенті Леонид Саковский ашты.
- Шаңғы жүгірісінің негізгі мақсаты ол- әскери-спортһ бойынша кешенді нормативтерді және спорттық разрядтарды орындау. Біздіңше, ұландықтар қыстық спорт түрлерінен де мықты болуы тиіс. Сондықтан, осы маусымда шаңғы жүгірісін жиі өткізуді жоспарлап отырмыз-дейді «Шығыс» өңірлік қолбасшылығының спорт және дене дайындығы қызметінің бастығы подполковник Бауыржан Дарыбаев.
«Шығыс» өңірлік қолбасшылығы қолбасшысының бұйрығымен чемпиондар мен жүлдегерлерге медальдар және грамоталар табысталды.
Оқи отырыңыз
