ШҚО-да «Баланы мектепке даярлайық» акциясы басталды
Amanat партиясының «Баланы мектепке даярлайық» акциясы аясында облыстық филиалда балаларға оқуға қажет құрал-жабдықтар салынған сөмкелер табысталды, деп хабарлайды Altainews.kz тілшісі.
– Қадірменді бүлдіршіндер, сіздерге жаңа оқу жылы қарсаңында тек жақсылықтар мен оқуда сәттілік тілеймін. Қазіргі заманның талабы – білім алу. Сондықтан сабақты тек «беске» оқыңыздар. Ата-аналарыңыздың үмітін ақтап, білімді азамат болып өсулеріңізге тілектеспін, – деді Amanat партиясы Шығыс Қазақстан облыстық филиалының төрағасы Сайрангүл Жұмаділова.
Айта кетейік, «Баланы мектепке даярлайық» акциясы партиялық «Бақытты отбасы» жобасы аясында дәстүрлі түрде өткізіледі. Оның басты мақсаты – көпбалалы және аз қамтылған отбасыларға балаларын 1 қыркүйекке дейін мектепке дайындауға көмектесу.
– Балаларды мектепке дайындау оңай емес. Қазір барлық дүние қымбат. Біздің отбасымызда қатарынан бес бала мектепке барады. Осындай шаралар үлкен көмек береді, – дейді көпбалалы ана.
Оқи отырыңыз
ШҚО-да "Баланы мектепке дайындайық!" акциясы басталдыШҚО-да көпбалалы отбасындағы бүлдіршіндерге оқу құралдары табысталдыШҚО-да мектепке баратын 2 мыңнан астам бүлдіршін оқу құралдарымен қамтылдыШҚО-да 1600-ден астам оқушыға оқу құрал-жабдығы табысталдыШҚО: 1500-ден астам балаға оқу құралдары салынған сөмке табысталды
