«AMANAT» партиясының Шығыс Қазақстан облысындағы филиалында балаларға оқуға қажетті құрал-жабдықтар салынған сөмке табысталды.

Партияның «Баланы мектепке дайындайық!» акциясы осылай басталды, деп хабарлайды Altaynews тілшісі.

«Қадірменді бүлдіршіндер, сіздерге жаңа оқу жылы қарсаңында тек жақсылықтар мен оқуда сәттілік тілеймін. Қазіргі заманның талабы – жақсы білім алу. Сондықтанда сабақты тек беске оқыңыздар. Ата-аналарыңыздың үмітін ақтап, білімді азамат болып өсулеріңізге тілектеспін», – деді «AMANAT» партиясы фракциясының мүшесі, Шығыс Қазақстан облыстық мәслихатының депутаты Тұрарбек Әзекенов.

Айта кетейік, «Баланы мектепке дайындайық!» акциясы партиялық «Бақытты отбасы» жобасы аясында дәстүрлі түрде өткізіледі. Оның басты мақсаты – көпбалалы және аз қамтылған отбасыларына балаларын 1 қыркүйекке дейін мектепке дайындауға көмектесу.

«Балаларды мектепке дайындау оңай емес. Қазір барлық дүние қымбат. Біздің отбасымызда қатарынан бес бала мектепке барады. Осындай шараларды ұйымдастыру сәлде болса қолдау деп ойлаймын», – дейді Өскемен қаласының тұрғыны  Құралай Мажатаева.