Кеншілердің еңбегі ерен. Олар елдің дамып, гүлденуіне өз сүбелі үлестерін қосып, өңірлер экономикасына ерекше серпін береді. Сондықтан кеншінің еңбегі өте жоғары бағалануы тиіс. Жеті қат жердің астына түсіп өндіретін түрлі пайдалы қазбалар адамның күнделікті өміріне қажет.
Шахтаның өзінде көптеген мамандиқ иелері жұмыс істейді. Шахтерлер күні қарсаңында Артемьев шахтасының қызметкері Антон Владимирович Винниченко қауіпті жұмысқа еш тайсалмастан кірісетін кеншілердің жұмысы туралы айтып берді, деп хабарлайды Altainews.kz тілшісі.
Антон Владимирович өз қызметін 2011 жылы тиеу-жеткізу машинасында (ПДМ) машинист ретінде бастаған. 2012 жылы тау-кен-шахта жабдықтарын жөндейтін слесарь болып ауысса, 2013 жылдан бастап бүгінгі күнге дейін тау-кен-шахта жабдықтарын жөндеу сервисінде жұмыс істейді.
Яғни шахтадағы тау-кен жабдықтарын және Артемьев өндірістік тау-кен кешеніндегі жабдықтарды жөндейді. Бүгінгі таңда онда барлығы 62 бірлік техника бар. 
Антонның айтуынша, шахтада жұмыс істеу өте қауіпті, сондықтан қауіпсіздік талаптарын барынша сақтау керек. 

Антон бүгінде үш баланың әкесі. Жұмыстағы қарбаласқа қарамастан ол отбасына үнемі көп уақыт бөлуге тырысатынын айтады. Тіпті жұбайы Маринамен бірге ата-аналар жиналысына, мектептегі іс-шараларға қатысуға тырысатын көрінеді. Балаларын түрлі үйірмелерге апарып, салауатты өмірсалтын ұстануға тәрбиелейді. 

Қазір Винниченко Антон Владимирович Артемьев шахтасының Артемьев өндірістік кешенінде учаске бастығы. Оның қарамағында шамамен 180 адам бар.

Қол еңбегінен қорықпайтын шыңдалған, күшті, стресске төзімді және батыл адамдар ғана кенші бола алады. Басын бәйгеге тігіп, жердің астына үсіп, еңбек көрігін қыздырған кеншілердің еңбегін барынша бағалап жүрміз бе?