Өскеменде Қазақстан драма театрларының XXX республикалық фестивалi өтеді, деп хабарлайды Altainews.kz тілшісі.

1-5 қазан аралығында Өскемен қаласында Қазақстан Республикасы Мәдениет және ақпарат министрлігі мен Шығыс Қазақстан облысы әкімдігінің қолдауымен Қазақстан драма театрларының XXX республикалық фестивалi өтеді.

Фестиваль көрнекті жазушы, балалар әдебиетінің классигі Бердібек Соқпақбаевтың 100 жылдығына арналады.

Фестиваль аясында қала тұрғындары мен қонақтарына келесі театрлардың қойылымдарын тамашалауға үлкен мүмкіндік ұсынылады:

1. Республикалық академиялық неміс драма театры, Г. Яхина «Wolgakinder» ;
2. Қ. Жандарбеков атындағы Жетісай драма театры, Б. Соқпақбаев «Қайдасың, Гауһар»;
3. Әзірбайжан Мәмбетов атындағы мемлекеттік драма және комедия театры, А.Елгезек «Болмаған балалық шақ»;
4. Х.Бөкеева атындағы Батыс Қазақстан облыстық қазақ драма театры, Ф. Достоевский, М. Омарова «Қара бала»;
5. «Дариға-ай» жастар театры, М. Әуезов «Жетім»;
6. Астана қаласы әкімдігінің «Жастар» театры, Б. Соқпақбаев «Көзіме бір көрінсең, бала ғашық»;
7. Ж. Аймауытов атындағы Павлодар облыстық қазақ музыкалық драма театры, Б. Соқпақбаев «Менің атым - Қожа»;
8. Бикен Римова атындағы Талдықорған драма театры, Қ. Мұрат «Мұғалім»;
9. Т. Ахтанов атындағы Ақтөбе облыстық драма театры, «Кобыланды» халықтық эпосы;
10. Шығыс Қазақстан облыстық драма және оперетта театры, О. Бөкей «Қар қызы»;

Қойылымдар Шығыс Қазақстан облыстық драма және оперетта театрының сахнасында өтеді (ШҚО, Өскемен қаласы, Қ. Сәтбаев даңғылы, 55).

Фестивальдің ұйымдастырушысы - Қалибек Қуанышбаев атындағы Қазақ ұлттық музыкалық драма театры.