«Азаматтарға арналған үкімет» мемлекеттік корпорациясының ШҚО филиалында Қарттар күніне орай акция өтті. Халықа қызмет көрсету орталықтарының қызметкерлері зейнеткерлерді құттықтап, зейнетақы куәліктерін табыстады, деп хабарлайды Altainews.kz тілшісі.

Айта кетейік, күніне филиалдың фронт-офистеріне 40-қа жуық қызмет алушы зейнетақы тағайындау қызметі бойынша жүгінеді. Қарттар күні еліміз бойынша барлығы 800-ге жуық азамат куәлік алды. Ең көп зейнетақы куәліктері Алматы қаласында және Түркістан облысында, ал ең аз мөлшері Ұлытау облысында берілді.

Айта кетейік, бүгінгі таңда елімізде 2,5 миллионға жуық зейнеткер бар, олардың 140 мыңнан астамы ШҚО-да тұрады.